Hidhet shorti i çerekfinaleve të FA Cup, na pret një super-përballje

Futboll

Gazeta Express

09/03/2026 21:00

Sot në mbrëmje është hedhur shorti për çerekfinalet e FA Cup, përpara përballjes ndërmjet West Ham Unitedit dhe Brentfordit në “London Stadium”, që po zhvillohet sonte.

Në çerekfinale do të jenë tetë ekipe, duke përfshirë Arsenalin, Manchester Cityn, Chelsean dhe Liverpoolin.

Ekipi më i ulët në renditje që ka mbetur në short është Port Vale me fitoren befasuese ndaj Sunderlandit të dielën.

Gjithashtu, nga Championshipi, Southamptoni mbetet në garë pas fitores ndaj Fulhamit, ndërsa vendi i fundit mes West Hamit dhe Brentfordit do të vendoset sonte.

Një përballje e fortë na pret në “Etihad Stadium”, ku Manchester City do t’i bëjë konak Liverpoolit.

Ndeshjet e çerekfinaleve pritet të zhvillohen gjatë fundjavës së 4-5 prillit.

SHORTI I PLOTË:

Southampton vs Arsenal

Chelsea vs Port Vale

Manchester City vs Liverpool

Leeds United vs West Ham ose Brentford