Hidhet gurthemeli i stacionit të ri të Policisë në Zubin Potok, Sveçla: Do të jetë burim i sigurisë e adresë e raportimit

Lajme

Gazeta Express

01/07/2025 10:40

Xhelal Sveçla, ministër i Brendshëm në detyrë, ka bërë të ditur se sot është hedhur gurthemeli për stacionin e ri të Policisë në Zubin Potok.

Ai ka thënë se ky stacion do të jetë një burim i sigurisë, si dhe, adresë e raportimit për të gjithë qytetarët pa dallim.

‘‘Sot, hodhëm gurthemelin e stacionit të ri të Policisë së Kosovës në Zubin Potok. Ky stacion modern do të jetë infrastrukturë e nevojshme për pjesëtarët e Policisë sonë dhe burim i sigurisë e adresë e raportimit për të gjithë qytetarët pa dallim.

Sigurisë më të lartë po ia shtojmë edhe infrastrukturën më të mirë.

Mbetemi të përkushtuar në ruajtjen e sigurisë së qytetarëve, qetësisë publike e, pa dyshim, edhe sovranitetit e integritetit territorial të vendit tonë. /GazetaExpress