Hegseth: Khamenei është i plagosur dhe me shumë mundësi i shpërfytyruar

Lajme

Gazeta Express

13/03/2026 14:30

Sekretari i Mbrojtjes Pete Hegseth ka thënë se Ajatollah Mojtaba Khamenei i Iranit ka mbetur i plagosur pas sulmeve që vranë babanë e tij, Ajatollah Ali Khamenei, gati dy javë më parë.

“Ne e dim që i ashtuquajturi udhëheqësi i ri, jo aq suprem, është i plagosur dhe me shumë gjasa i shpërfytyruar”, tha Hegseth në një konferencë për shtyp.

Khamenei u emërua udhëheqësi i ri i regjimit të Teheranit pas vdekjes së babait të tij në sulmet amerikane-izraelite më 28 shkurt.

Khamenei i ri nuk është parë ose dëgjuar për të publikisht që nga fillimi i luftës, duke çuar në spekulime rreth vendndodhjes dhe shëndetit të tij.

Të enjten ai bëri deklaratat e tij të para publike të lexuara nga një prezantues në televizionin shtetëror, duke vendosur të vazhdonte luftën, duke premtuar më shumë dhimbje për shtetet arabe të Gjirit dhe duke kërcënuar të hapë “fronte të tjera” në një luftë që tashmë ka ndërprerë furnizimet botërore me energji, ekonominë globale dhe udhëtimet ndërkombëtare.