Haziri uron 28 Nëntorin:  Kemi tri fe, por kemi vetëm një atdhe

Lajme

Gazeta Express

28/11/2025 12:28

Nënkryetari i LDK-së, Lutfi Haziri, ka uruar qytetarët për 28 Nëntorin, Ditën e Flamurit dhe të Pavarësisë së Shqipërisë, duke rikujtuar thirrjen e bashkimit dhe lirisë të njërit prej kryengritësve më të shquar shqiptarë, Mulla Idriz Gjilani.

Në postimin e tij, Haziri ka theksuar: “Kemi tri fe, por kemi vetëm një atdhe të përbashkët, një gjak vëllazëror, një gjuhë, një diell e një Zot. Detyrë mbi detyrë kemi mbrojtjen e Atdheut.”

Ai gjithashtu i ka bërë homazhe heronjve, dëshmorëve dhe martirëve të kombit, duke theksuar se sakrifica e tyre sublime tregon se si duhet të duam dhe të mbrojmë atdheun. “Lavdi e përjetshme jetës dhe veprës së tyre!”, ka shkruar Haziri.