Hapet aplikimi për subvencionimin e teksteve shkollore, Nagavci: Çdo aplikim do të verifikohet nga shkollat përkatëse

Lajme

Gazeta Express

15/08/2025 18:19

Ministrja në detyrë e Arsimit, Arbërie Nagavci, ka bërë të ditur se është hapur mundësia për aplikim për subvencionimin e teksteve shkollore në Platformën e-Kosova. Nga Nagavci është thënë edhe se, paratë, sikurse dy vitet e kaluara do të dalin në xhirollogaritë e qytetarëve.

Nga ajo është thënë edhe se këtë vit do të ndahen nga 80 euro për nxënësit nga klasa 1 deri në klasën e 5 për blerjen e teksteve dhe materialeve mësimoren, dhe, 80 euro për nxënësit nga klasa 6 deri në klasën e 9 për blerjen e fletoreve të punës dhe materialeve mësimore.

Postimi:

Nga sot mund të aplikoni për subvencionimin e teksteve shkollore në Platformën e-Kosova. Sikurse dy vitet e kaluara, mjetet do të dalin në xhirollogaritë tuaja.

Këtë vit do të ndajmë nga:

– 80 euro për nxënësit nga klasa 1 deri në klasën e 5 për blerjen e teksteve dhe materialeve mësimore;

– 80 euro për nxënësit nga klasa 6 deri në klasën e 9 për blerjen e fletoreve të punës dhe materialeve mësimore. Tekstet ashtu siç jeni njoftuar në vitin e kaluar do të përdoren nga gjenerata e kaluar sipas Udhëzimit Administrativ Nr.13/2016 Pajisja e nxënësve me tekste shkollore, përdorimi dhe ruajtja e tyre.

Tashmë llogaritë i keni aktive nga vitet e kaluara dhe i gjithë procesi i aplikimit do të jetë shumë i lehtë. Drejtoritë Komunale të Arsimit janë njoftuar me kohë se çdo aplikim do të verifikohet nga shkollat përkatëse. Pas verifikimit do të bëhet transferi i mjeteve.