Nga data 16 maj ka nisur vizita e dytë studimore në kuadër të projektit “Hapësirat Kulturore të Kosovës” që mbështetet nga Bashkimi Evropian dhe zbatohet nga Anibar, Lumbardhi, 7 Arte dhe Pogon. Kjo vizitë e radhës është duke u realizuar në Slloveni, përkatësisht në qytetin e Lubjanës, Mariborit dhe Koperit.
Vizita një javore ka për qëllim marrjen e përvojave nga organizata dhe rrejte të ndryshme kulturore në Slloveni me synim forcimin e rolit të rrjeteve kulturore lokale dhe faktorëve kulturorë në menaxhimin e infrastrukturës publike në Kosovë, si dhe rritjen e bashkëpunimit me institucionet lokale për përdorimin e gjerë dhe të qëndrueshëm të infrastrukturës publike.
Në këtë vizitë po marrin pjesë përfaqësues nga Ministria e Kulturës, Rinisë dhe Sportit, Komuna e Pejës dhe Mitrovicës, organizatave të shoqërisë civile dhe kulturore. Kjo vizitë ka zgjatur deri më 22 maj, ndërsa është financuar nga Komuna e Pejës.
/Gazeta Express