Hamiti për Vetëvendosjen: Kushtetutën e kanë shkelur më shpesh se të gjitha qeveritë e mëhershme bashkë

Lajme

Gazeta Express

20/05/2025 18:17

Zyrtari i LDK-së, Muhamet Hamiti, ka reaguar për situatën e bllokimit të Kuvendit në të cilën ndodhet Kosova. Ai tha për Vetëvendosjen se “Kushtetutën e kanë shkelur më shpesh se të gjitha qeveritë e mëhershme bashkë”.

“Kosova vazhdon të vuajë nën regjim të sanksioneve të BE-së në kohën e regjimit të ri në Kosovë! Po vuajnë qytetarët, por jo drejtuesit politikë të regjimit”, shprehet ai.

Reagimi i tij i plotë:

Po e mbajnë pushtetin, po e nëpërkëmbin demokracinë dhe po e sfidojnë rendin kushtetues të Kosovës.

Kushtetutën e kanë shkelur më shpesh se të gjitha qeveritë e mëhershme bashkë.

Prandaj, nuk ndiejnë kurrëfarë urgjence për konstituim të Kuvendit dhe formim të Qeverisë së re të Republikës së Kosovës tre muaj e e gjysmë mbas zgjedhjeve nacionale. Të kota janë thirrjet e qytetarëve dhe të miqve të Kosovës. Po bien në veshë të shurdhër të regjimit #KREJTdheDREJT.

Kosova vazhdon të vuajë nën regjim të sanksioneve të BE-së në kohën e regjimit të ri në Kosovë! Po vuajnë qytetarët, por jo drejtuesit politikë të regjimit.