Hamiti: LVV ka dhënë sinjale që nuk e respekton vendimin e Kushtetueses

Lajme

Gazeta Express

09/08/2025 11:57

Anëtari i Kryesisë së LDK-së, Muhamet Hamti, ndërsa ka komentuar deklarimet kundërshtuese të zyrtarëve të lartë të Vetëvendosjes ndaj aktgjykimit të djeshëm të Gjykatës Kushtetuese, ka thënë se këto janë shenja se partia në pushtet nuk do ta respektojë rendin kushtetues.

Ai në Facebook ka shkruar se gjithçka do të varet nga lideri suprem i VV-së.

Postimi i tij i plotë:

A do ta respektojë “Vetëvendosja” vendimin e sotëm të Gjykatës Kushtetuese që thotë se Avni Dehari i saj e ka shkelur Kushtetutën? Sigurisht, ai nuk ka vepruar krye më vete. Lideri suprem i VV-së nuk ka folur ende mbas aktgjykimit të sotëm.

Njerëzit e tij po – e kanë kundërshtuar sot, duke dhënë sinjale se nuk do ta respektojnë.

Albin Kurti pardje ka thënë se do ta respektonin aktgjykimin e Gjykatës. A mund t’u besohet fjalëve të tij? Jo.

Çështja esenciale është se a respektojnë këta rendin kushtetues të Republikës së Kosovës?.