Gazetar: Genc Godanci
Dallimi nga një ditë më parë, është se po merr pjesë fizikisht në gjykatore.
Por e njëjtë është kërkesa që Hysni Gucati e parashtroi para Panelit të Apelit të Dhomave të Specializuara të Kosovës.
Sikurse avokati i tij, ky pretendon se nuk ka aspak faj për rrjedhjen e dokumenteve konfidenciale të Gjykatës Speciale.
Gjatë deklarimit të tij pranë trupit gjykues, akuzoi prokurorinë për shkeljen e të drejtave dhe lirive të njeriut.
Bashkë me të, në sallë të premten ishte edhe i dënuari tjetër Nasim Haradinaj që e vlerësoi gjykimin ndaj tij si të porositur.
Në fund të seancës, kryetarja e Panelit të Apelit ka thënë se vendimi do të merret brenda periudhës ligjore të lejuar.