Guardiola jep “aminin” për të nënshkruar me yllin e Realit

Sport

Gazeta Express

07/03/2025 17:21

Raportohet se Pep Guardiola e ka dhënë “amimin” e tij për nëshkrimin e madh gjatë merkatos së verës.

Pas një formë të dobët të treguar gjatë përfundimit të vitit të kaluar, Manchester City reagoi në merkaton e dimrit, duke nënshkruar me Omar Marmoush, Nico Gonzalez, Abdukodir Khusanov për një shumë mbi 100 milionë paund.

Por me një skuadër që tashmë po vjetërsohet, Guardiola e City dëshirojnë që të vazhdojnë rindërtimin e skuadrës edhe në merkaton e verës.

Në anët e mbrojtjes, City është lidhur me Tino Livramenton dhe Andrea Cambiasson, derisa po ashtu ka shprehur interesim për yllin e Real Madridit.

Sipas “Football Transfers”, Guardiola është i vendosur të hyjë “all-in” për nënshkrimin e Eduardo Camavingas.

Francezi që e ka fituar dy herë Ligën e Kampionëve me Real Madridin, e ka shpërfaqur fleksibilitetin e tij në fushë, duke luajtur në mësfushë e po ashtu edhe në anën e majtë të mbrojtjes, një aftësi që zgjon interesimin e madh nga Guardiola.

Guardiola e sheh Camavingan si zëvendësuesin e mundshëm të Ilkay Gundoganit dhe Bernando Silvas, me dyshen që do të largohen pas këtij sezonit.

Camavinga iu bashkua Real Madridit nga Rennes më 2021 për shumën e 34.4 milionë paundëve, derisa ka bërë 170 paraqitje me “Los Blancos”.

Sipas “Fichajes”, Real Madridi e ka gjetur tashmë zëvendësimin e Camavingas, i cili vjen nga PSG.

Reali e ka bërë prioritet nënshkrimin e Joao Nevesit të PSG-së.

Portugezi është i përfshirë në 13 gola për skuadrën franceze, teksa ka bërë 35 paraqitje në të gjitha garat me PSG-në./GazetaExpress/