Grenell bën retweet lajmin “Ky është Liqeni Trump, dhe gjendet në Kosovë”

Gazeta Express

24/09/2020 20:23

Emisari i Posaçëm e presidentit të SHBA’së, Donald Trump, për dialogun Kosovë–Serbi, Richard Grenell, në llogarinë e tij në Twitter ka shpërndarë lajmin e Gazetës Express ku thuhet për Liqenin e Ujmanit se ky është Liqeni Trump dhe ndodhet në Kosovë.

Grenell ka shkruar se të dyja palët janë pajtuar që ky të jetë emri i ri i liqenit – Liqeni Trump.

Kjo për shkak se sipas tij, të dyja palët, Kosova dhe Serbia, patën probleme se si ta quajnë këtë liqe. Andaj edhe u propozua nga Grenell dhe u vendos më pas që të quhet Liqeni Trump.

“Si të quhet liqeni që gjendet në Kosovë dhe Serbi ka qenë një pikë serioze diskutimi në dialog, ndërsa Shtetet e Bashkuara të Amerikës vendosën të bëhet një studim i fizibilitetit që të krijohen vende të reja pune në regjion. Andaj të dyja palët vendosën që ta quajnë: Liqeni Trump”, ka shkruar Grenell.

What to call the lake that is in Kosovo and Serbia has been a serious sticking point despite the U.S. forged compromise to launch a feasibility study to create jobs and more energy for the region….so both sides have agreed to a new name: Lake Trump. https://t.co/AgeDNZ4aBd

— Richard Grenell (@RichardGrenell) September 24, 2020