Grabitje brutale para qendrës tregtare në Shkup: 43-vjeçari e goditi, e kërcënoi dhe i mori para viktimës

Maqedoni

Gazeta Express

17/11/2025 10:11

Prokuroria Themelore Publike Shkup ka nxjerrë Urdhër për zhvillimin e procedurës hetimore kundër një personi për veprën penale “Grabitje” sipas nenit 237, paragrafi 4 të Kodit Penal. Veprën e ka kryer së bashku me një person tjetër, i cili është ende në kërkim.

Më 15 nëntor, përballë një qendre tregtare në Shkup, të dy e kanë ndjekur një person. Në një moment, i dyshuari e ka goditur viktimën me grusht në kokë, ndërsa sulmuesi tjetër e ka kërcënuar me boks. Duke i kontrolluar xhaketën, ata kanë gjetur dhe i kanë marrë 8.800 denarë. Më pas e kanë shtyrë në tokë, e kanë goditur me shqelma dhe janë përpjekur t’ia thyejnë telefonin, pas së cilës kanë ikur.

Prokurori publik i ka dorëzuar gjykatësit të procedurës paraprake në Gjykatën Themelore Penale Shkup një propozim për caktimin e masës së paraburgimit ndaj të dyshuarit 43-vjeçar.