Gol dhe asist, Mirlind Daku më i miri i ndeshjes Rubin Kazan-Khimki

Futboll

Gazeta Express

03/08/2024 21:06

Rubin Kazani e ka regjistruar humbjen e dytë radhazi në këtë fillimsezon në elitën e futbollit në Rusi.

Pasi u mposht bindshëm 4:0 nga Zeniti javën e kaluar, sot Rubin Kazani u ndëshkua 2:3 nga Khimki në shtëpi, shkruan Gazeta Express.

Përkundër humbjes, Mirlind Daku pati një paraqitje të jashtëzakonshme, duke qenë protagonist në dy golat e vendasve.

Fillimisht shënoi nga penalltia në pjesën e parë, e në të dytën asistoi, por që nuk mjaftoi që ekipi i tij ta evitonte humbjen.

Daku nga SofaScore u vlerësua me notën më të lartë nga të gjithë, 8.3.