Goditje për adhuruesit e tokës së sheshtë – Shkencëtari shpjegon pse toka është RRETHORE

Mistere

Gazeta Express

17/11/2025 21:11

Dy banorë të Big Brother, Marcus dhe Elsa, kanë pranuar se janë “Flat Earthers” – besojnë se toka nuk është glob, por e sheshtë.

Marcus tha: “Horizonit i duket i drejtë, kjo tregon se toka është e sheshtë”, ndërsa Elsa shtoi: “Nuk mendoj se hapësira ekziston, jetojmë brenda një kupole.”

Por një fizikan nga Universiteti Nottingham Trent, Dr. Ian Whittaker, e ka shpjeguar me qartësi: horizonti duket i drejtë thjesht për shkak të shkallës.

“Në nivelin e tokës, shohim vetëm disa milje, nuk është mjaft për të dalluar kurbën e Tokës. Vetëm nga hapësira mund ta perceptojmë atë,” tha Dr. Whittaker.

Ai përdori një analogji me një top basketbolli: një mikrobe mbi sipërfaqen e tij do të shikonte gjithçka si e sheshtë, sepse është shumë e vogël krahasuar me kurbën.

Historikisht, njerëzit e kanë kuptuar formën e Tokës për më shumë se 2,000 vjet. Pythagoras rreth 500 p.e.s. dhe Aristoteli rreth 350 p.e.s. e identifikuan Tokën si sferë, duke u bazuar në lëvizjet e yjeve dhe pozicionet e tyre nga ekuilatori..

Sot, përmes udhëtimeve hapësinore dhe imazheve nga satelitët, ne mund ta shohim qartë kurbën e Tokës. Me hapësirën turistike në zhvillim, ndoshta edhe Flat Earthers si Marcus dhe Elsa mund të shkojnë vetë për të parë se janë gabim.

Pse besimi në teori konspirative lidhet me karakterin

Një studim i vitit 2015 nga Universiteti i Kent zbuloi se njerëzit që besojnë te teori konspirative – përfshirë ata që dyshojnë tek uljet në Hënë – janë më të prirur ndaj narcissizmit dhe vetëvlerësimit të ulët.

Studimi tregoi se sa më shumë dikush të jetë narcist dhe të ketë vetëvlerësim të ulët, aq më i prirur është të besojë në konspiracione. /GazetaExpress/