Goditja që i dha dje Amerika-Kosovës, Joseph: Kush po thotë që Administrata s’po merret me Ballkanin?

Lajme

Gazeta Express

13/09/2025 12:52

Analisti amerikan, profesori Edward P. Joseph, i cili njeh jashtëzakonisht mirë rajonin e Ballkanit Perëndimor, ka reaguar pas vendimit të djeshëm të SHBA-së për të suspenduar Dialogun Strategjik që ishte planifikuar të niste me Kosovën, shkruan Express.

Jospeh në reagimin e tij e ka cilësuar këtë si vëmendje të SHBA-së për rajonin e Ballkanit Perëndimor.

“Kush po thotë që Administrata s’po merret fare me Ballkanin?”, ka shkruar Joseph duke shpërndarë qëndrimin e të premtes të Ambasadës së Shteteve të Bashkuara të Amerikës në Prishtinë.

Dje Ambasda ka njoftuar se “Shtetet e Bashkuara kanë pezulluar për një kohë të pacaktuar Dialogun e tyre Strategjik të planifikuar me Kosovën për shkak të shqetësimeve në lidhje me veprimet e qeverisë në detyrë që kanë rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta”./Express/

Who says the Administration isn't paying any attention to the Balkans? https://t.co/mA28057Fsy

— Edward P. Joseph (@edwardpjoseph) September 13, 2025