Gjykata Kushtetuese pezulloi zgjedhjet në Tiranë, reagon Presidenti Begaj

Shqiperi

Gazeta Express

09/10/2025 17:59

Institucioni i Presidentit të Republikës së Shqipërisë ka reaguar pas vendimit të Gjykatës Kushtetuese, e cila pezulloi dekretin që përcaktonte datën e zgjedhjeve të pjesshme vendore në Bashkinë e Tiranës.

Në një njoftim për mediat, Zyra e Shtypit dhe Marrëdhënieve me Publikun pranë Presidencës thekson se ky vendim do të respektohet plotësisht, në përputhje me parimet dhe normat e Kushtetutës.

Njoftimi i presidences

Tiranë, më 9 tetor 2025

Në përgjigje të interesit të mediave, ju bëjmë me dije se Institucioni i Presidentit të Republikës respekton vendimin e Gjykatës Kushtetuese për pezullimin e pjesës që përcakton datën e zgjedhjeve vendore në Bashkinë e Tiranës të dekretit me nr.350, datë 01.10.2025.