Gjykata Kushtetuese do të shqyrtojë dispozitën për pagesën e apanazhit - Gazeta Express
string(70) "gjykata-kushtetuese-do-te-shqyrtoje-dispoziten-per-pagesen-e-apanazhit"

Ballina

Gazeta Express

28/01/2023 14:47

Gjykata Kushtetuese do të shqyrtojë dispozitën për pagesën e apanazhit

Ballina

Gazeta Express

28/01/2023 14:47

Gjykata Kushtetuese do të shqyrtojë kushtetutshmërinë e dispozitës për pagesën e apanazhit për zyrtarët publikë të shkarkuar, si dhe për ata që kanë dhënë dorëheqjen para përfundimit të mandatit. Një iniciativë për shqyrtimin dhe kontestimin e kushtetutshmërisë së dispozitave të ligjit për kompensimin dhe pagat e funksionarëve publikë e kanë paraqitur dhjetë muaj më parë avokatët nga Struga.

Ata kërkuan heqjen e plotë të apanazhit, si privilegj klasor, por Gjykata Kushtetuese nuk pranoi.

Lexo Edhe:

“Kjo praktikisht do të thotë se mendimi i Gjykatës Kushtetuese në rastin konkret ishte se me një dispozitë të tillë, vetë akti i dorëheqjes apo shkarkimit të zyrtarit rezulton në njëfarë përgjegjësie nga puna e tij, duke shtruar kështu çështjen e arsyetimit të apanazh”, thotë avokatja Gligorie Qatoski nga Struga.

Pagesa e apanazhit cenon parimin e barazisë së të gjithë qytetarëve. Zyrtarë, drejtues, drejtorë, ministra, deputetë marrin apanazh pas përfundimit të mandatit, që paraqet diskriminim në bazë të statusit social.

“Për punëtorin e thjeshtë nuk parashikohen kompensime të tilla, ndërsa për zyrtarët si kategori sociale në një shoqëri, këto shtesa parashikohen nga buxheti i shtetit. As kushtetuta nuk parasheh të drejta të veçanta për një grup të caktuar njerëzish që dallojnë vetëm në disa funksione shtetërore”, shton Qatoski.