Gjuajte me armë në festë familjare, MPB: Janë arrestuar dy persona nga Kumanova

Maqedoni

Gazeta Express

01/08/2025 15:51

Nga Ministria e Punëve të Brendshme njoftojnë se kanë arrestuar dy persona në Kumanovë, pas një denoncimi për gjuajtje me armë në një festë familjare. Nga MPB thonë se me urdhër të gjykatës kanë bastisur shtëpinë e personave në fjalë, ku kanë gjetur armë.

“Më 31.07.2025, zyrtarë policorë nga SPB Kumanovë kanë arrestuar S.M. (30) dhe S.M. (25), të dy nga Kumanova. Duke vepruar pas një denoncimi paraprak për të shtëna me armë zjarri gjatë një feste familjare në Kumanovë, policia me urdhër gjykate ka kryer bastisje në shtëpinë e tyre, ku është gjetur dhe sekuestruar një pistoletë, për të cilën dyshohet se është përdorur për të shtënë gjatë festës. Ata janë dërguar në stacionin policor dhe, pas dokumentimit të plotë të rastit, ndaj tyre do të ngrihen kallëzime përkatëse”, thonë nga MPB.