Gjoba për ndotje të rrugës në Prishtinë, Policia identifikon kundërvajtësin përmes kamerave

Lajme

Gazeta Express

18/03/2026 13:02

Njësiti i Trafikut të Kryeqytetit ka shqiptuar gjobë ndaj një drejtuesi mjeti për ndotje të rrugës, i cili u identifikua nga kamerat e monitorimit.

Sipas njoftimit të Policia e Kosovës, drejtuesi i automjetit është gjobitur për mos sigurim të ngarkesës, ndërsa gjobë prej 300 eurosh është shqiptuar edhe ndaj firmës, në emër të personit juridik.

Policia bën të ditur se kontrollet do të vazhdojnë ndaj të gjithë pjesëmarrësve në trafik që shkelin rregullat dhe rrezikojnë sigurinë ose ndotin ambientin, duke bërë apel për respektim të ligjit dhe përgjegjësi gjatë qarkullimit rrugor.