GJKKO refuzon kërkesën e Lefter Kokës për zbutje të masës së sigurisë: Do të kurohet si çdo qytetar i Shqipërisë

Shqiperi

Gazeta Express

25/11/2022 10:34

Kërkesa e Lefter Kokës për zbutje të masës së sigurisë u rrëzua dhe togat e zeza të GJKKO-së u shprehën se ish-ministri do të kurohet si çdo qytetar i Shqipërisë dhe do ti garantohen të gjitha të drejtat, përfshirë edhe për kujdesin shëndetësor.

Gjyqtari Erion Bani, sot në seancën e radhës për ish-ministrin, vendosi mos pranimin e kërkesës së mbrojtjes së Kokës, në lidhje me inceneratorin e Elbasanit, pavarësisht se avokatët paraqitën ekspertizën e mjekëve që theksonin gjendjen delikate shëndetësore të ish-ministrit të Mjedisit.

Gjithashtu gjykata i jep të drejtë Lefter Kokës që jo vetëm të kryeje vizita ne ambientetet e paraburgimit, por edhe në qendrën spitalore universitare si dhe në qendra të tjera të posaçme. Kjo për shkak të aktit të ekspertimit mjekësore që kishte përcaktuar se gjendja shëndetësore e Kokës është veçanërisht e rënduar.