GJKKO lë në burg Elvis Ndrecën, djalin e xhaxhait të depurtetit të PS-së

Shqiperi

Gazeta Express

13/02/2025 14:33

Gjykata e Posaçme ka lënë në burg Elvis Ndrecën, djalin e xhaxhait të deputetit të PS-së, Eduard Ndreca, i arrestuar dy ditë më parë nga policia e Lezhës.

Ndreca akuzohet nga SPAK për “Sigurimin e kushteve për të kryer vrasje” ndaj Durim Bamit.

Përgjimet e “SkyECC” zbuluan se ai ka komunikuar me individë të tjerë të përfshirë në grupe kriminale, duke përfshirë Samuel Ndokën dhe ish-deputetin Arben Ndoka. Gjithashtu, në dosje figuron edhe Armando Ndreca, kushëriri i tij, i arrestuar për lidhje me parcelat e kanabisit në Kashnjet.

Ky arrestim është pjesë e operacionit “Revanshi” të SPAK, që goditi 7 grupe kriminale dhe solli 20 të arrestuar, 6 prej të cilëve jashtë Shqipërisë.