Gjini thotë se nëse Kurti fiton sërish shumicën e votave do të ketë konkluzë që populli mendon si Albin Kurti në raport me SHBA-të

Lajme

Gazeta Express

12/09/2024 21:47

Ardian Gjini, nënkryetari i Aleancës për Ardhmërinë e Kosovës (AAK), ka thënë SHBA-ja vazhdimisht po deklaron se “kanë marrëdhënie të shkëlqyeshme me popullin e Kosovës, por jo me Qeverinë e Kosovës”.

Por, ai ka pyetur në “Pressing” të T7, se çka nëse Albin Kurti fiton sërish 50% të votave.

Atëherë sipas Gjinit do të jetë konklzuë e brendshme që “populli i Kosovës mendon si Albin Kurti”.

Në këtë kontekst, ai thotë se “SHBA-ja do të vazhdojë mos ta fajësojë popullin e Kosovës”, por konkluza do të ekzistojë.

“SHBA-të kanë me pretendu që vazhdimisht që marrëdhëniet e i kanë të shkëlqyeshme me popullin e Kosovës, por jo me Qeverinë e Kosovës. Çka ndodh nëse edhe njëherë e voton Albin Kurtin me një shumicë të tillë 50% +1 votë. Çfarë ndodh, si pikë e parë konkludohet që populli i Kosovës mendon si Albin Kurti, jo si na. Ata prap kanë me thënë nuk kemi marrëdhënie të këqija me popullin e Kosovës. Konkluzimi i brendshëm ka me qenë që populli i Kosovës është kështu, jo vetëm Albin Kurti”, ka thënë ai. /Gazeta Express