Gjendet e mitura nga Prishtina që u raportua e zhdukur, thotë se u sulmua seksualisht

Lajme

Gazeta Express

20/09/2021 9:18

Një vajza e mitur nga Prishtina, ka raportuar në polici se është sulmuar seksualisht nga dy djem po ashtu të mitur, raporton Express

Viktima ishte raportuar e zhdukur më 17 shtator, ndërkaq të nesërmen është paraqitur në stacion policor bashkë me familjarët, ku ka raportua se është sulmuar seksualisht nga dy të mitur.

Policia në raportin 24 orësh ka bërë të ditur se rasti është iniciuar si “person i zhdukur/i gjetur, sulm seksual”

“Prishtinë , 17.09.2021 – 17:30.  Në lidhje me rastin është raportuar se me 18.09.2021 viktima femër kosovare (e mitur) e cila ka qenë e raportuar si e zhdukur,   është paraqitur në stacion policor  së bashku me familjarët  e saj  dhe ka raportuar se është sulmuar seksualisht nga dy të dyshuar meshkuj kosovarë (të mitur). Rasti është duke u hetuar nga njësitë relevante”, thuhet në raportin e policisë./GazetaExpress/