Gjenden mbetje mortore në Brekoc të Gjakovës që potencialisht i përkasin listës së personave të zhdukur

Lajme

Gazeta Express

30/07/2025 14:55

Në Brekoc të Gjakovës, gjatë gërmimeve të kryera nga Komisioni Qeveritar për Persona të Zhdukur, në bashkëpunim me Institutin e Mjekësisë Ligjore (IML) dhe Policinë e Kosovës, është konfirmuar gjetja e mbetjeve mortore që potencialisht i përkasin listës së personave të zhdukur, ka njoftuar ky komision.

“Pas kthimit në këtë lokacion për gërmime të mëtejshme dhe vlerësuese, ekipet tona kanë hasur në eshtra. Pas ekzaminimit antropologjik dhe identifikimit përmes ADN‑së, ne do ta informojmë familjet dhe opinionin për identifikimin”.

Komisioni Qeveritar për Persona të Zhdukur tha se bashkë me partnerët institucionalë janë “të përkushtuar për trajtimin me prioritet dhe kujdes të posaçëm të kësaj çështjeje, në shërbim të familjeve të viktimave dhe për të vënë drejtësinë në vend”./Express/