Gjashtë të vdekur në rrëzimin e një aeroplani të vogël mjekësor në Kenia

Lajme

Gazeta Express

07/08/2025 19:58

Gjashtë persona kanë humbur jetën pasi një avion i lehtë që i përkiste një organizate bamirëse mjekësore u rrëzua në kryeqytetin e Kenias, Nairobi, sipas një zyrtari lokal, ka raportuar BBC, transmeton Gazeta Express.

Organizata e bamirësisë AMREF Flying Doctors tha se avioni Cessna u nis nga aeroporti Wilson të enjten pasdite dhe ishte në rrugë për në Hargeisa në Somali kur u rrëzua dhe shpërtheu në flakë në një ndërtesë banimi në zonën Githurai të Nairobit.

Komisioneri i Qarkut Kiambu, Henry Wafula, tha se gjashtë persona në aeroplan u vranë, përfshirë mjekë, infermierë dhe pilotin – si dhe dy persona të tjerë në tokë, ndërsa dy të tjerë u plagosën rëndë.

Hetuesit janë dërguar në vendin e rrëzimit për të përcaktuar shkakun e tij.