Giroud flet me Chelsean për kontratën e re

Gazeta Express

07/04/2020 15:20

Sulmuesi francez mund ta vazhdojë eksperiencën në Londër nëse arrin marrëveshje me “Blues”

Olivier Giroud i ka nisur bisedimet preliminare me Chelsean për kontratën e re.

Sulmuesi francez do të jetë lojtar i lirë gjatë verës që vjen, shkruan Gazeta Express.

Mirëpo, duket se palët janë të interesuara për ta vazhduar bashkëpunimin.

Sipas “Football London”, “Blues” po planifikojnë t’ia ofrojnë kampionit të botës me Francën një kontratë të re.

Ish-sulmuesi i Arsenalit ishte afër transferimit në Inter gjatë janarit.

Mirëpo, kohëve të fundit ai e ka fituar besimin e trajnerit Frank Lampard dhe nuk përjashtohet mundësia që Giroud të mbetet në “Stamford Bridge”, së paku edhe një vit. /Gazeta Express/