Gërvalla kërkon vota për buxhetin: Kam pritje të ulëta nga PDK, AAK, aspak nga Lista Srpska, i drejtohem LDK’së

Lajme

Gazeta Express

19/11/2025 12:30

Deputetja nga radhët e Vetëvendosjes, Donika Gërvalla, në foltoren e kuvendit, gjatë fjalimit të saj, i është drejtuar me apel deputetëve të Lidhjes Demokratike të Kosovës, duke kërkuar nga këta të fundit që të shkojnë në seancë dhe të votojnë marrëveshjet ndërkombëtare.

Gërvalla në fjalën e saj, ka kërkuar nga deputetët e LDK’së që këta të fundit, siç ka thënë ajo, të ‘’bëhen bashkë me ata të cilët nuk i respektojnë institucionet e shtetit’’, përcjell Gazeta Express.

‘‘Duke pasur pritje goxha të ulëta në raport me PDK, AAK dhe duke mos pasur asnjë lloj pritje në raport me Listën serbe, me lejoni që nga kjo foltoreje t’i drejtohem me një ape publik deputetëve të grupit parlamentar të LDK’së.

Të nderuar deputetë të LDK, duke e njohur pulsin, përkushtimin dhe vullnetin e votueseve të partisë tuaj, më mirë ndoshta se sa ata që kanë përgjegjësi të larta në partitë e juaja, ju ftoj publikisht që si parti e ardhur nga një traditë institucionaliste të mos bëheni bashkë me ata të cilët nuk i respektojnë institucionet e shtetit, të cilët bllokojnë procese të rëndësishme, bllokojnë buxhetin, pagat dhe të ardhmen e këtij vendit. Ju bëj apel të gjithë që e keni mundësinë, që të vini në një orë më të vonshme dhe të votoni marrëveshjet ndërkombëtare. Mos u bëni kontribuues të bllokimit të shtetit’’, ka thënë ajo./GazetaExpress.