Gashi: Shihet qartë që Vetëvendosje ka një plan bllokimi institucional në Kosovë

Lajme

Gazeta Express

30/08/2025 11:26

Deputeti i LDK-së, Arben Gashi, tha se është e qartë që Lëvizja Vetëvendosje e ka në plan bllokimin institucional të Kosovës.

Ai tha se këtë po e bën për shkak se s’është në gjendje të krijojë Qeverinë.

“Çështjet politike duhet të zgjidhen me kompromis politik. Jemi në një bllokim institucional si rezultat i veprimeve të paarsyeshme, si dhe rezultat i dëshirës së Lëvizjes Vetëvendosje për ta bllokuar Kuvendin. Pra, shihet qartë që ka një plan bllokimi institucional në Kosovë. Cili është përfitimi unë nuk e di, por si duket nuk mundet të bëjë institucionet, të formojë qeverinë dhe si rezultat i pamundësisë për formim të qeverisë dëshiron të krijoë një situatë tjetër për Gjykatën Kushtetuese ku do të humben edhe dy muaj tjera”.

Ai tha se gjatë kësaj periudhe do të krijohet një situatë kur qeveria e Kosovës do të jetë e ekskomunikuar nga partnerët ndërkombëtarë./Express/