Garda Revolucionare e Iranit publikon pamjet duke kapur një anije në Ngushticën e Hormuzit

Lajme

Gazeta Express

23/04/2026 8:05

Korpusi i Gardës Revolucionare (IRGC) i Iranit ka publikuar pamjet e sekuestrimit të anijes mallrash MSC Epaminondas, e cila u ndalua dje në Ngushticën e Hormuzit.

Një video e publikuar nga IRGC tregon forcat e saj duke iu afruar dhe duke marrë kontrollin e një anijeje tregtare, një nga dy anijet e sekuestruara nga Irani gjatë incidenteve të djeshme në ngushticë.

Sipas agjencisë iraniane të lajmeve Fars, e cila është pranë Gardës Revolucionare, tre anije tregtare u sulmuan gjatë disa orëve . Anija Euphoria u godit dhe ngeci pranë brigjeve të Iranit, ndërsa anijet MSC Francesca dhe Epaminondas u sekuestruan dhe u devijuan në brigjet iraniane.

The Islamic Revolutionary Guards Corps (IRGC) has released footage of the IRGC-N seizure of the two cargo vessels, the MSC Francesca and the Epaminondas, in the Strait of Hormuz earlier today. Per the White House press secretary, U.S. President Donald J. Trump does not consider… pic.twitter.com/p3z0n2sFz6

— OSINTdefender (@sentdefender) April 22, 2026

Mediat iraniane, duke cituar marinën e IRGC-së, pretendojnë se anijet e sekuestruara “vepruan pa lejet e nevojshme” dhe “kërcënuan sigurinë detare”. Shtëpia e Bardhë tha se Presidenti i SHBA-së, Donald Trump nuk i konsideron këto lëvizje si shkelje të armëpushimit, pavarësisht vazhdimit të bllokadës amerikane ndaj anijeve që lundrojnë drejt porteve iraniane.