Fshati ku ora e mësimit në shkollë mbahet me një nxënës

Gazeta Express

20/10/2020 11:01

Gazetare: Egzona Shahini

Ndryshe nga shkollat e tjera në të cilat jemi mësuar të shohim shumë nxënës, në fshatin Hajkobillë ka raste ku mësimi zhvillohet vetëm me një nxënës në klasë.

Kjo shkollë ka gjithsej 15 nxënës.

Krahas disa familjeve që braktisën fshatin për shkak të kushteve të rënda, disa familje të tjera vendosën që të qëndrojnë në fshat dhe të vazhdojnë shkollimin e fëmijëve të tyre.

Sipas drejtorit të Shkollës “Azem Salihu”, mbajtja e orëve mësimore vetëm me një nxënës mund të jetë më efektive në arritshmërinë e tyre.