Frikë për shëndetin e Michael Jordan - Gazeta Express

Basketboll

Gazeta Express

06/05/2020 20:48

Frikë për shëndetin e Michael Jordan

Basketboll

Gazeta Express

06/05/2020 20:48

Të pasionuarit e basketbollit, sidomos në Amerikë, po shijojnë dokumentarin e Michael Jordan “The Last Dance”. Mirëpo gjatë intervistave të legjendës së NBA, dallohen qartë ngjyra e theksuar e verdhë në sytë e tij në vend që të ishte e bardhë.

Cili është shkaku? Mos vallë është sëmurë? Jordan, 57 vjeç, nuk ka folur kurrë publikisht për këtë, kështu që janë shtuar spekulimet falë dokumentarit.

Ka nga ata që mendojnë se vuan nga verdhëza, një sëmundje e cila bën që lëkura dhe mukoza të kthehen të verdha për shkak rritjes së bilirubinës në gjak si rezultat i çrregullimeve të caktuara të mëlçisë, megjithëse ish-lojtari nuk është i njohur për probleme shëndetësore. Sëmundjet e mëlçisë si hepatiti dhe cirroza gjithashtu shkaktojnë atë ngjyrë në sy.

Komplikimet dhe mosfunksionimet në pankreas, prania e gurëve në veshka, marrja e disa ilaçeve, vuajtja e anemisë dhe sëmundjeve të tjera të rruazave të kuqe të gjakut, stresi i shtuar ose apo trashëgimia mund të jenë arsye të tjera, megjithëse në rastin e Jordan do të dukej e çuditshme, pasi kurrë nuk ka patur këtë ngjyrë të syve kur mrekullonte mbi parket.

Një mundësi tjetër është që ka probleme me mëlçinë për shkak të dietës së keqe apo konsumimi i alkoolit. Sidoqoftë, Jordan po merr vëmendjen jo vetëm me dokumentarin “The Last Dance”. Sytë e tij të verdhë kanë hapur debat e kanë frikësuar të pasionuarit e basketbollit.