Fotot e kujt grisi? Xheneta ‘përballet’ me Gjestin dhe Eglin në studio

Yjet

Gazeta Express

19/05/2025 20:17

“I uroj të gjitha të mirat. Më pëlqen ai shpirti fëmijëror që ka, që përdor ato kordelet…”

Xheneta Fetahu është përballur me fotografitë e disa personazheve të njohur të ekranit teksa ishte e ftuar në “Mos i bjer me top”, me Erjola Doçin dhe Ronaldo Sharkën.

Ajo duhej të zgjidhte se çfarë të bënte me fotot e secilit prej tyre dhe të jepte një koment rreth tyre.

Fotografia e parë që i nxori Ronaldo ishte ajo e ish-banores së BBV 4, Krisa Caushi, të cilën Xheneta e mori dhe e grisi menjëherë.

“Dua të them kjo me të dashurin e saj që më kanë paragjykuar mua për ndërhyrjet e mia, këto shkojnë tani te njerëzit që unë i bëj. Tiri ato 7 mijë lekëshin t’ia japë të dashurës së vet’, tha Xheneta.

Ndërsa kur Ronaldo i nxori foton e Meridian Ramçajt, Xheneta e mori e grisi edhe atë.

“I urrej njerëzit që në privat më shkruajnë mua dhe dalin në televizion e flasin e bëjnë moralin”, u shpreh Fetahu për të.

Sa i përket fotos së Fation Kuqarit, ajo e mori dhe tha shkurt:

“Është shumë i mirë”.

Po me foton e Olta Gixharit çfarë bëri?

“Personaliteti i Oltës më pëlqen shumë, edhe loja që ka patur dhe karakteri i saj. Po në Big-un e Kosovës më ka zemëruar pak”, tha Xheneta e cila më pas e puthi foton dhe shtoi: “Unë vdes për gratë e forta”.

Teksa Sharka i tregoi foton e Drilon Ramës, Fetahu tha duke qeshur:

“Aaa, ky që vdes pas meje. Ky është tipik ai djali që në shtëpi shkon dhe i thotë mamit ‘do ta sjell ty një vajzë kështu’, kurse në prapaskenë vjen e më thirr mua”, e më pas merr dhe e gris foton e tij.

Më pas Ronaldo i tregon foton e Egli Takos dhe Xheneta thotë shkurt:

“Injorim”.

E fotografia e fundit ishte pikërisht e Gjestit dhe Fetahu duke qeshur thotë:

“A ekziston ndihma e publikut?” dhe publiku dëgjohet t’i përgjigjet: “Puthe”.

“Jo, si ta puth se është burrë i martuar. I uroj të gjitha të mirat. Më pëlqen ai shpirti fëmijëror që ka, që përdor ato kordelet, rruazat, byzylykët. Mua më pëlqen ajo gjë se në BBVK e kanë paragjykuar jashtëzakonisht shumë dhe kam qenë vetëm unë që e kam mbrojtur. E kanë bullizuar jashtë mase. Për këtë stilin e tij më pëlqen. I uroj të gjitha të mirat dhe suksese, ishalla me shumë fëmijë meqenëse është i martuar, e me shumë këngë”, tha Xheneta, e cila foton e la pranë fotos së Eglit.