Forumi i Gruas i LDK-së Dega në Obiliq mbajti tubimin elektoral madhështor

Zgjedhjet

Gazeta Express

23/09/2025 23:05

Forumi i Gruas i LDK-së – Dega në Obiliq, ka mbajtur tubimin elektoral, bëhet e ditur përmes njoftimit dërguar mediave. Dega e LDK-së në Obiliq, vlerëson se “në mënyrë madhështore vajzat, gratë, nënat dhe motrat tona shtylla e çdo shtëpie – konfirmuan mbështetjen e tyre të fuqishme”.

Në këtë tubim mori pjesë edhe kryetari i Komunës së Obiliqit dhe kandidat për mandat të ri, Xhafer Gashi, Zonja e parë Afërdita Gërguri Gashi, nënkryetarja e LDK-së znj. Hykmete Bajrami, njëherësh deputete e Kuvendit të Kosovës, si dhe kandidatët për Kuvendin Komunal nga lista fituese e LDK-së në Obiliq.

Kryetari Gashi falënderoi “për prezencën e jashtëzakonshme dhe mbështetjen e vazhdueshme, duke theksuar rolin thelbësor që ka gruaja në shoqëri dhe në zhvillimin e komunës”.

Ai shpalosi programin politik, me theks të veçantë tek fushat ku gruaja ka ndikim të drejtpërdrejtë.

“Tri parimet bazë të programit:

1.Qeverisje lokale transparente;

2.Qeverisje për të gjithë;

3.Zhvillim i qëndrueshëm ekonomik lokal.

Shtyllat kryesore të programit qeverisës:

1.Zhvillimi Ekonomik

2.Mjedisi dhe Ambienti

3.Arsimi

4.Shëndetësia

5.Infrastruktura

6.Kulturë, Rini dhe Sport

7.Bujqësia

8.Zhvillimi Urban

9.Shërbimet Publike dhe Siguria

10.Administrata

Projektet  konkrete

Ekonomi & Mbështetje për Gratë”, thuhet në njoftim.

Gjithashtu, Gashi u zotua për:

“✅Mbështetje për Start Up dhe gratë në biznes me buxhet të dedikuar prej 100,000 – 120,000€.

Arsimi

✅Në tri çerdhet komunale, 61 edukatore dhe staf mbështetës kujdesen për 265 fëmijë, duke krijuar mundësi për punësimin e nënave.

✅Komuna mbulon shpenzimet e udhëtimit për fëmijët me nevoja të veçanta, rastet sociale dhe të gjithë nxënësit që udhëtojnë mbi 3 km nga shkolla.

✅Subvencione dhe bursa për nxënës dhe studentë në të gjitha nivelet: Bachelor, Master dhe Doktoratë.

✅Për vitin akademik 2024/2025 kanë përfituar 1,014 bursa: 76 për nxënës të SHML, 149 për Bachelor, 45 për Master dhe 3 për Doktoratë.

✅Transport i organizuar për 709 nxënës të SHF/SHML dhe 32 nxënës me nevoja të veçanta”.

Ndërsa, tek Shëndetësia dhe Mirëqenia Sociale:

“✅13 programe të rëndësishme, ndër to:

✅Kujdes shëndetësor për gratë shtatzëna dhe fëmijët 0–3 vjeç;

✅Vizita shtëpiake për pacientët me sëmundje të rënda;

✅Shërbime falas të mamografit, analizave hormonale dhe ultrazërit të arteries karotide;

✅Subvencione për çdo lindje (200€ për fëmijën e parë dhe të dytë, 300€ për të tretin, 500€ për binjakët);

✅Ndërtimi i qendrës rehabilituese për fëmijët me nevoja të veçanta;

✅Ndërtimi i kateve shtesë në QKMF dhe për shoqatën e pensionistëve”, planifikohet për mandatin e ri.

Tek fusha; Kulturë, Rini dhe Sport

“✅Mbështetje e vazhdueshme për rininë dhe klubet sportive të qytetit;

✅Subvencione për organizata dhe turne sportive;

✅Ofrim i hapësirave për Qendrën Rinore;

✅Organizimi i Festivalit tradicional “Ditët e Diasporës”;

✅Subvencione për trajnime në sport dhe kulturë për grupmoshat 7–15 vjeç;

✅Investime në fushat sportive në Raskovë dhe Milloshevë”.

“Tek Bujqësia

Vazhdim i përkrahjes së fermerëve me subvencione për:

✅Pajisje bujqësore;

✅Sera;

✅Kultura bujqësore;

✅Sisteme ujitjeje”, planifikon Gashi në mandatin e ri.

“Ky program i detajuar tregon vizionin e LDK-së për një Obiliq të zhvilluar, me qeverisje transparente dhe për të gjithë qytetarët, ku roli i gruas është thelbësor për të ardhmen tonë të përbashkët”, përfundon njoftimi.