Formacionet zyrtare të ndeshjes Real Madrid – Juventus

Sport

Gazeta Express

01/07/2025 20:09

Juventus i beson Kenan Yildizit, Francisco Conceicaos dhe Randal Kolo Muanit, por është i detyruar të bëjë ndryshime në mbrojtje përballë Real Madridit të Dean Huijsen në raundin e 1/8-tave të Kupës së Botës për Klube.

Ndeshja zhvillohet në “Hard Rock Stadium” në Miami, me fillim nga ora 21:00.

Skuadra e Igor Tudorit nisi me fitore të lehta ndaj Al-Ain dhe Wydad AC, por më pas u mposht 5-2 nga Manchester City.

Nicolò Savona pësoi një ndrydhje të rëndë në kyçin e këmbës dhe do të mungojë për të paktën një muaj. Edhe Federico Gatti nuk është në gjendje të luajë për shkak të simptomave të gripit.

Me Gleison Bremer gjithashtu të dëmtuar, Daniele Rugani do ta nisë ndeshjen nga minuta e parë, duke debutuar në Kupën e Botës për Klube, së bashku me Pierre Kalulu dhe Lloyd Kelly.

Timothy Weah dhe Samuel Mbangula rikthehen në stol pasi refuzuan transferimin te Nottingham Forest, ndërsa Dusan Vlahovic është lënë jashtë formacionit.

Weston McKennie gjithashtu e nis nga stoli, dhe në vend të tij luan Alberto Costa në një rol më ofensiv.

Nga ana tjetër, Real Madridi barazoi 1-1 me Al-Hilal, dhe më pas mposhti Pachuca dhe RB Salzburg, duke u përshtatur me stilin e trajnerit të ri, Xabi Alonso.

Edhe Alonso po përballet me mungesa të shumta: David Alaba, Ferland Mendy, Endrick, Daniel Carvajal dhe Eder Militao janë të dëmtuar.

Kylian Mbappé ka vuajtur nga një gastroenterit i rëndë dhe nuk ka luajtur asnjë minutë deri tani. Kjo është hera e parë që është në stol.

Real Madridi nis me të njëjtin formacion që mposhti RB Salzburg 3-0, me Gonzalo Garcia, Vinicius Junior dhe Arda Güler në sulm.

Kjo e vendos Jude Bellingham në një rol më të tërhequr, ndërsa Dean Huijsen, ish-lojtar i të rinjve të Juventusit, do të përballet me klubin e tij të vjetër.

Një tjetër prurje e re që luan sot është mbrojtësi i djathtë Trent Alexander-Arnold, ish-lojtar i Liverpoolit.

FORMACIONET:

Real Madrid: Courtois; Alexander-Arnold, Rüdiger, Huijsen, Fran García; Valverde, Tchouameni, Bellingham; Arda Güler, Gonzalo, Vinicius
Juventus: Di Gregorio; Kalulu, Rugani, Kelly; Alberto, Locatelli, Thuram, Cambiaso; Conceição, Yildiz; Kolo Muani