Forcat RENEA kontroll për masakrën e Dobraçit, Safet Bajri nuk gjendet në banesë

Shqiperi

Gazeta Express

18/02/2025 13:57

Mëngjesin e sotëm një aksion nga forcat RENA zbarkuan në shtëpinë e Safet Bajrit në Shkodër. Forcat RENEA kanë zhvillur kontrolle në lidhje me masakrën që ndodhi me 30 tetor në Dobraç të Shkodrës.

Gjatë kontrollit në banesën e tij nuk u gjet Safet Bajri, i cili pritet që të shoqërohet në pyetje në lidhje me këtë ngjarje. Gjithashtu RENEA zhvilloi aksion edhe në disa zona të tjera të Shkodrës por nuk mundi që të arrestojë.

Ndërkohë për masakrën në Dobraç janë nën hetim grupi i Izmir Sakicës, Asmer Bilali dhe pjesëtarë të grupit Bajri. Në këtë masakër humbën jetën Hamza Lici, Arlind Bushati dhe çifti i pafajshëm Flutura dhe Bashkim Basha.