“Forca e Kosovës”, slogani me të cilin AAK do të garojë në zgjedhje

Lajme

Gazeta Express

22/01/2021 18:37

Aleanca për Ardhmërinë e Kosovës ka zbuluar sloganin me të cilin i futet garës në zgjedhjet e 14 shkurtit.

“Forca e Kosovës” është slogani i kësaj partie, është bërë e ditur përmes faqes zyrtare në Facebook.

AAK-ja në këto zgjedhje nuk garon për të udhëhequr me ekzekutivin, pasi synimi i saj është posti i presidentit të shtetit.

Për këtë post, kreu i partisë, Ramush Haradinaj, e ka shpallur kandidaturën menjëherë pas dorëheqjes së ish-presidentit, Hashim Thaçi.