Foda zbulon prapaskenat kur nënshkroi me Kosovën: Objektivi ishte kualifikimi në Europianin e ardhshëm

Futboll

Gazeta Express

25/03/2026 18:30

Kombëtarja e Kosovës ka mbajtur konferencë për media para ndeshjes së nesërme ndaj Sllovakisë.

Përzgjedhësi i Kosovës, Franco Foda zbuloi prapaskena nga koha kur nënshkroi me Kosovën.

“Kur nënshkrova kontratën, objektivi ishte të kualifikoheshim për Kampionatin Europian. Por ekipi ka bërë progres të jashtëzakonshëm. Tashmë jemi në një moment shumë të rëndësishëm dhe pranë arritjes së një suksesi të madh për kualifikim në Botëror. Kur e kam marrë drejtimin e kam ditur se Kosova ka shumë kualitet”, tha Foda.

Kosova përballet me Sllovakinë nesër nga ora 20:45 në Bratisllavë në gjysmëfinalen e play-offit për kualifikim në Kampionatin Botëror.