Flick flet për gjendjen e Raphinhas, por edhe për rastin e Olmos

Sport

Gazeta Express

08/04/2025 17:34

Trajneri i Barcelonës, Hansi Flick, e ka hedhur poshtë idenë që sulmuesi, Raphinha, nuk ka qenë po ai që ishte që kur u kthye nga pushimi ndërkombëtar me Brazilin.

Zëvendës-kapiteni i Barcelonës ka luajtur vetëm një nga katër ndeshjet e ekipit që nga atëherë dhe ka pasur vështirësi të bëjë ndikim në të dyja paraqitjet që ka bërë.

Megjithatë, për Flick, nuk ka pasur shqetësim për Raphinhan. Ai është një nga lojtarët më punëtorë të ekipit dhe ka kaluar një goditje të madhe mendore pas humbjes 4-1 të Brazilit ndaj Argjentinës. Disa kishin pyetur nëse ai po bie nga standardet e tij të jashtëzakonshme këtë sezon.

“Nuk kam pasur fare këtë përshtypje. Pas pushimit ndërkombëtar, i dhamë atij pak kohë që të mund të rikuperohej. Por në stërvitje ka qenë fantastik. Ka qenë aktiv në stërvitje, ka qenë dinamik dhe ka treguar se është gati për një ndeshje si ajo e nesërmja.”

Flick ka shprehur dëshirën që ekipi i tij të shfrytëzojë sa më shumë përparësinë e terrenit të tij, duke ditur se duhet të ngjiten në “Mur të Verdhë” në Dortmund javën e ardhshme.

“Ne në Ligën e Kampionëve, luajmë më mirë në shtëpi, sepse paraqitemi më mirë. Do të na pëlqente ta mbyllnim tani. E pamë këtë kundër Atletico. Është një moment i mirë për ne. Ne kemi përmirësuar shumë situata të ndryshme dhe kemi gjetur përgjigjet e duhura. Jemi shumë të përgatitur për ndeshjen e nesërme.”

Ka pasur shumë vëmendje për lodhjen fizike të sezonit te Barcelona, duke u dukur shenja të lodhjes kundër Atletico Madrid dhe Real Betis javën e kaluar.

“Është e rëndësishme të përqendrohemi në situatën aktuale dhe duhet të mendojmë për çdo ndeshje. Duhet të shohim sa të lodhur janë lojtarët, sa mund të luajnë, kjo është e rëndësishme, apo nëse duhet të ndryshojmë pozita. Jam i kënaqur sepse tani kemi shumë lojtarë që mund të mbulojnë pozita të ndryshme. Kemi këtë kalendar, por nuk do të na bëjë të vuajmë. Qëllimi ynë është të fitojmë çdo ndeshje. Mund ta menaxhojmë këtë. Jemi shumë krenarë.”

Flick u pyet për numrat impresionues që ka arritur ekipi i tij këtë sezon, me Barcelonën që tani ka një seri prej 20 ndeshjesh të pa humbura në vitin 2025, nga të cilat 17 ishin fitore.

“Nuk jam i interesuar për statistikat, as për të kaluarën. Ajo që ka rëndësi është nesër. Të gjithë jemi të gëzuar që po luajmë në Ligën e Kampionëve. Është një sfidë për ne të luajmë në Europë dhe duam të jemi aty.”

“Kemi një ndeshje shumë të rëndësishme të Ligës së Kampionëve kundër Dortmundit. Klubi merret me këto çështje dhe unë nuk jam përqendruar te ato,” tha ai për dramën e regjistrimit rreth Dani Olmos.

La Liga njoftoi të hënën se do të kërkojë një urdhër ndalimi kundër vendimit të CSD për të mbajtur Olmon dhe Pau Victor të regjistruar për pjesën tjetër të sezonit. Ndërkohë, Barcelona ka akuzuar La Ligën për shkelje të konfidencialitetit me deklaratat e saj mbi financat e klubit. Për momentin, duket se Victor dhe Olmo do të jenë në dispozicion të Flick, pasi ky i fundit të kthehet nga dëmtimi./GazetaExpress/