Flick e pranon se Barcelona është favorite ndaj PSG-së

Futboll

Gazeta Express

30/09/2025 19:01

Barcelona rikthehet në Ligën e Kampionëve të mërkurën me një super-përballje kundër Paris Saint-Germain në Estadi Olímpic Lluis Companys, Montjuic. Pas fitores ndaj Neëcastle United në ndeshjen e parë, katalanasit synojnë të marrin tri pikë të tjera në fazën e grupeve.

Trajneri Hansi Flick, në konferencën për shtyp para ndeshjes, e pranoi se Barça shihet si favorite:

“Duhet të punojmë sipas planit tonë. Nuk do të jetë e lehtë, sepse PSG do të kërkojë topin dhe di të ushtrojë presion. Nga sekonda e parë deri në minutën e fundit, duhet të luajmë në nivelin më të lartë. Ky është Ligën e Kampionëve. Ne jemi Barcelona. Jemi favoritë, por na pret punë e vështirë.”

Për dëmtimet e shumta në të dyja skuadrat, Flick u shpreh:

“Është pjesë e futbollit. Çdo trajner dëshiron të ketë lojtarët e tij gati, por duhet të menaxhojmë kalendarin dhe mungesat. Shpresoj që të jetë një ndeshje e madhe.”

I pyetur për portierin Ëojciech Szczesny, i cili do të zëvendësojë të dëmtuarin Joan Garcia, Flick tha: “E shoh gati. Fituam tre trofe sezonin e kaluar me të në portë.”

Në lidhje me sulmuesin titullar, ai dha një përgjigje enigmatike: “Për 90 minuta do të na duhen të dy. Do të shohim kush do të nisë nga fillimi.”/GazetaExpress/