Flamuri shqiptar në serialin e famshëm ‘Squid Game’

Rozë

Gazeta Express

01/01/2025 7:46

Sezoni i dytë i serialit korean “Squid Game” ka shënuar rekord të shikueshmërisë prej kur u publikua javë më parë.

Aktualisht, ai është seriali më i famshëm në platformën Netflix, por në këtë sezon një detaj e bëri edhe më të veçantë. Në njërën prej sfidave ku lojtarët u përfshinë, është parë flamuri i Shqipërisë.

Pamje nga seriali “Squid Game 2”

Flamuri kuqezi shihet në episodin e katërt, kur lojtarët duhet t’i kalojnë disa sfida për t’i shpëtuar ekzekutimit. Krah tij janë edhe disa flamuj të shteteve të botës.

Seriali pritet t’i thyejë sërish të gjitha rekordet e shikueshmërisë. Produksioni ka njoftuar se do të ketë edhe sezon të tretë, por s’dihet kur.