Fitore me rikthim, Spanja në finale të Olimpiadës “Paris 2024”

Sport

Gazeta Express

05/08/2024 20:58

Pas suksesit në “EURO 2024”, Spanja ia ka vënë syrin edhe një tjetër suksesi në futboll.

Kombëtarja spanjolle që po merr pjesë në Olimpiadën e Parisit në konkurrencën e meshkujve, ka arritur në finalen e madhe, duke siguruar një medalje olimpike.

Gjatë ditës së sontme, Spanja e ka mposhtur Marokun në gjysmëfinale të Olimpiadës në futboll, shkruan “Gazeta Express”.

Një gol i Juanlu Sanchezit pesë minuta para fundit të takimit për 2:1 ia siguroi “Furisë së Kuqe” së paku medaljen e argjendtë, teksa në finale do ta ndjekin të artën.

Spanjollët që fillimisht kishin barazuar përmes Fermin Lopezit (66′), kishin qenë duke humbur 1:0 pas golit të Soufian Rahimit në minutën e 37-të.

Ata në finale do të ndeshen me fituesin e gjysmëfinales tjetër, mes Francës dhe Egjiptit./GazetaExpress/