Financial Times: Christine Lagarde do të largohet nga Banka Qendrore Evropiane para përfundimit të mandatit 8-vjeçar

Lajme

Gazeta Express

18/02/2026 8:18

Sipas një raportimi të publikuar nga Financial Times, presidentja e Banka Qendrore Evropiane, Christine Lagarde, pritet të largohet nga detyra përpara përfundimit të mandatit të saj tetëvjeçar, i cili skadon në prill të vitit 2027.

Burime të cituara nga media britanike bëjnë të ditur se Lagarde synon të hapë rrugën për një proces të ri përzgjedhjeje, duke u dhënë mundësi presidentit të Francës, Emmanuel Macron, dhe kancelarit gjerman, Friedrich Merz, të kenë rol kyç në zgjedhjen e pasuesit të saj.

Mandati i Lagarde në krye të institucionit monetar të eurozonës ka qenë i shoqëruar me sfida të mëdha, përfshirë menaxhimin e krizave ekonomike dhe inflacionit në nivel evropian.

Ndërkohë një zëdhënës i BQE-së tha të mërkurën se Lagarde, është e përqendruar në punën e saj dhe nuk ka marrë asnjë vendim në lidhje me përfundimin e mandatit të saj, raporton Reuters.