Fillon fushata për Zgjedhjet lokale 2021

Ballina

Gazeta Express

27/09/2021 11:43

Fushata zgjedhore për Zgjedhjet lokale 2021 të caktuara për më 17 tetor fillon sot dhe do të zgjasë 20 ditë, përkatësisht deri në 15 tetor në mesnatë. Partitë politike dhe kandidatët e pavarur  tashmë i paralajmëruan aktivitetet e tyre në fushatë edhe pse pjesa më e madhe e kandidatëve për kryetarë të komunave dhe këshilltarë në muajt e fundit tashmë patën takime joformale me qytetarët dhe prezantimin e programeve të veta në rrjetet sociale.

Partitë më të mëdha dhe koalicionet fushatën e fillojnë pothuajse tradicionalisht nga qytetet e njëjta.

BDI paralajmëroi se fushatën do ta fillojë dhe përfundojë në Gostivar.

Besa fushatën zgjedhore do ta fillojë sonte në Shkup me tubim në ambient të hapur para sallës “Boris Trajkovski”.

Ngjarja qendrore e karvanit “Më e mira për komunën tënde”, kryesuar nga LSDM është caktuar në manastir, ndërsa paraprakisht karvani do të jetë me qytetarët e Demir Hisarit. Të martën karvani është në komunat e Shkupit Çair dhe Kisella Vodë, pas çka do të pasojë konventa parazgjedhore e kandidatit për kryetar të komunës dhe lista për këshilltarë për Qytetin e Shkupit. Karvani aktivitetet e veta i përfundon më 15 tetor me ngjarje të madhe qytetare në Kumanovë.

VMRO-DPMNE fushatën për zgjedhjet lokale do të zhvillojë nën sloganin “Krijo të ardhmen tënde”, ndërsa e fillon me tubim në Teatrin antik në Ohër, ndërsa gjatë ditës prezantim të programit në Shkup do të ketë kandidatja për kryetare të Shkupit, Sanella Arsovska, e cila mbështetet nga partia opozitare.

KSHZ-ja paraprakisht konfirmoi 300 lista për kryetarë komune dhe 576 për këshilltarë. Renditja e kandidatëve në fletëvotim u përcaktua me short në një seancë të KSHZ-së. Partitë marrin pjesë në mënyrë të pavarur ose në koalicione në varësi të komunave dhe marrëveshjeve të arritura reciproke. Nga partitë më të mëdha, në Listën e vetme të kandidatëve, Bashkimi Demokratik për Integrim është nr. 3, Aleanca për Shqiptarët nr.5, VMRO-DPMNE dhe Koalicioni “Rindërtim i Maqedonisë” nr.7, Lidhja socialdemokrate e Maqedonisë nr. 9, Alternativa nr. 10, Partia Demokratike Shqiptare nr.11, BESA nr 16…. Lista përfshin gjithashtu parti më të vogla, koalicione dhe një numër të madh të kandidatëve të pavarur, ndërkaq ka edhe shumë kandidatë të pavarur. KSHZ tashmë e konfirmoi edhe pamjen e fletëvotimit për zgjedhjet lokale.

Nëse vlerësojnë se ka ndonjë shkelje në fushatë, parashtruesit e listave mund të parashtrojnë ankesë për mosrespektim të dispozitave për fushatën zgjedhore (Neni 69 nga Kodi zgjedhor). KSHZ është i obliguar t’i hetojë thëniet, të veprojë rreth ankesës së parashtruar dhe ta arsyetojë vendimin e vet në afat prej 72 orëve nga dita e parashtrimit të ankesës. Kundër vendimit të KSHZ-së, parashtruesi i ankesës ka të drejtë padie në Gjykatën administrative në afat prej 48 orëve nga pranimi i vendimit. Gjykata administrative është e obliguar të sjellë vendim në afat prej 72 orëve pas pranimit të padisë. KSHZ0së vendosë pas ankesës së parashtruar më së voni në afat prej 72 orëve nga dita e parashtrimit. Kundër vendimit të KSHZ-së parashtrohet padi në Gjykatën administrative në afat prej 48 orëve nga pranimi i vendimit. Gjykata administrative vendosë në afat prej 72 orëve nga pranimi i padisë.

Avokati i popullit i përkujton qytetarët se në zyren e tij funksionon linja telefonike pa pagesë 0800 54321, në të cilën qytetarët do të mund të paraqesin çfarëdo lloj shkelje të të drejtave të tyre, si gjatë mbajtjes së fushatës zgjedhore, ashtu edhe në ditët e mbajtjes së rrethit të parë dhe të dytë të Zgjedhjeve lokale 2021 (17 dhe 31 tetor).

Rreth paraqitjeve të qytetarëve do të veprohet menjëherë, ndërsa të gjitha ankesat që do të arrijnë pas përfundimit të orarit të punës, pas orës 16:00, do të xhirohen, ceket në kumtesën nga Avokati i popullit. Gjithashtu, për paraqitje të shkeljeve qytetarët mund të drejtohen edhe në gjashtë zyret rajonale, çdo ditë pune.

Në zgjedhjet lokale të caktuara për më 17 tetor të viti 2021 do të mund të votojnë 1,824,864 qytetarë. Lista e votuesve u mbyll në seancën e Komisionit Shtetëror Zgjedhor (KSHZ) të premten sipas orarit. Jo më vonë se 1 tetor, pra 15 ditë para ditës së zgjedhjeve, KSHZ -ja duhet të nënshkruajë Listën zgjedhore të përfunduar dhe pjesë nga ajo. Nga numri i përgjithshëm i votuesve, 1,740,147 janë regjistruar në fragmentet e Listës së Zgjedhësve. Zgjedhjet janë duke vuajtur dënimin me burg ose janë në paraburgim: 351 persona në institucione për strehim jashtëmartesor dhe gjashtë votues të cilët, sipas të dhënave të Ministrisë së Punës dhe Politikës Sociale, janë regjistruar si persona të zhvendosur.

Në Zgjedhjet lokale 2021, për herë të parë, terminalet për leximin e shenjave të gishtërinjve të votuesve do të përdoren për të përcaktuar identitetin e tyre dhe për të shmangur parregullsitë e mundshme të votimit. Deri më 1 tetor në vend duhet të arrijnë të gjithë terminalet, si dhe sistemi të cilin duhet ta dorëzojë kompania gjermane “Dermalog”.

Siç paralajmëroi kryetari i KSHZ-së, në rrjedhë është edukimi i anëtarëve të organeve zgjedhore, ndërsa paralelisht po rrjedhin edhe të gjitha aktivitetet e tjera për organizim të suksesshëm të zgjedhjeve.

Si për Zgjedhjet parlamentare 2020, edhe këtë vit zgjedhjet do të mbahen me zbatimin e masave për mbrojtjen kundër Kovid-19 dhe do të krijohen komisione të veçanta zgjedhore për ata që do të shprehin interes për të votuar, dhe ditën e zgjedhjeve do të jenë të izoluar ose pozitivë me koronavirus.

Fushata edhe për zgjedhjet lokale do të vëzhgohet nga ana e përfaqësuesve të Misionit të OSBE/ODIHR-së, si dhe organizata të tjera. Afati për akreditim të vëzhguesve për zgjedhjet përfundon më 6 tetor.

Rrethi i dytë i zgjedhjeve lokale do të mbahet më 31 tetor, ndërsa fushata për rrethin e dytë do të zgjasë deri më 29 tetor në mesnatë.