Festivali i Filmit në Venecia 2023 - Gazeta Express
string(34) "festivali-i-filmit-ne-venecia-2023"

Arte

Gazeta Express

07/09/2023 14:44

Festivali i Filmit në Venecia 2023

Arte

Gazeta Express

07/09/2023 14:44

Festivali i filmit filloi me 30 gusht në orën 19:00, me filmin “Comandante” të regjisorit italian Edoardo De Angelis.

Ai tregon historinë e një komandanti italian nëndetëseje, në Luftën e Dytë Botërore, i cili merr një vendim të guximshëm për një udhëtim në Atlantik.

Lexo Edhe:

“Comandante” është një nga 23 filmat që konkurrojnë për çmimin kryesor të festivalit, “Luanin e Artë”, i cili do të shpallet më 9 shtator.

Në garë është edhe regjisori gjerman Timm Kroeger.

Premiera e filmit të tij ”Theory of Everything” do të shfaqet më 3 shtator.

Përveç kësaj, filmat e rinj të David Fincher (i njohur për “Fight Club”, “Seven”), Luc Besson (“Léon – The Professional”), Sofia Coppola (“Lost in Translation”), Michael Mann (“Heat”) , Pablo Larraín (“Spencer”), Ryusuke Hamaguchi (“Drive My Car”) apo Bradley Cooper (“A Star Is Born”) mund të shihen të gjithë në garën për çmimin “Luani i Artë”.

Skenaristët e Hollivudit kanë qenë në grevë që nga 2 maji.

Aktorët e përfaqësuar nga SAG-AFTRA u larguan nga puna më 14 korrik.

Të dy sindikatat po kërkojnë pagesa të përmirësuara dhe mbrojtje kundër përdorimit të inteligjencës artificiale.

Disa vëzhgues presin që vera e nxehtë të zgjasë deri në vjeshtë, duke ndryshuar sezonin e ri në transmetimet televizive dhe duke thelluar pasojat ekonomike për Los Anxhelesin dhe industrinë e tij.

Historik i shkurtër i Festivalit:

Festivali i 80-të Ndërkombëtar i Filmit në Venecia organizohet nga La Biennale di Venezia dhe drejtohet nga Alberto Barbera. Ai po zhvillohet në Venice Lido nga 30 gushti dhe do të zgjas deri më 9 shtator 2023. Festivali njihet zyrtarisht nga FIAPF (Federata Ndërkombëtare e Prodhuesve të Filmit).

Qëllimi i Festivalit është ndërgjegjësimi dhe promovimi i kinemasë ndërkombëtare në të gjitha format e saj si art, argëtim dhe si industri, në frymën e lirisë dhe të dialogut. Festivali organizon gjithashtu retrospektiva dhe homazhe për figurat kryesore si një kontribut për një kuptim më të mirë të historisë së kinemasë.