Ferizaj do të jetë vendas në ndeshjen e barazhit ndaj Lirisë

Sport

Gazeta Express

30/05/2023 16:43

Sot është bërë tërheqja e shortit për ndeshjen e barazhit mes Ferizajt dhe Lirisë.

Kjo ndeshje do të zhvillohet më 4 qershor, në stadiumin “Zahir Pajaziti” të Podujevës, shkruan Gazeta Express.

Për këtë ndeshje në cilësinë e vendasit do të jetë Ferizaj.

Kujtojmë se skuadra fituese nga kjo përballje do të sigurojë pjesëmarrjen për Superligë sezonin e ardhshëm.

Ferizaj e mbylli sezonin në pozitën e tetë në elitën e futbollit kosovar, teksa Liria, që ishte e dyta në Grupin A të Ligës së Parë, në barazhin e Ligës së Parë mposhti Ulpianën.

/Gazeta Express/