Federer do të luajë përkrah Nadalit në ndeshjen e fundit të karrierës

Sporte tjera

Gazeta Express

22/09/2022 16:35

Ndeshja finale e Roger Federer do ta shohë atë të luajë së bashku me rivalin e vjetër Rafael Nadal në dyshe në Laver Cup të premten.

Dyshja do të përfaqësojë Team Europe kundër Jack Sock të Team World dhe Frances Tiafoe në O2 Arena të Londrës.

Para kësaj ndeshje, Andy Murray do të fillojë seancën e mbrëmjes në teke kundër Alex de Minaur.

Federer, 20 herë fitues i Grand Slam, tha javën e kaluar se do të pensionohet pas këtij turneu, shkruan Gazeta Express.

41-vjeçari zviceran tha se do të ishte “e mrekullueshme” të luante përkrah spanjollit Nadal, 36 vjeç, i cili ka 22 tituj Grand Slam.