Federata e Boksit e nderon Ditën e Pavarësisë me turne ndërkombëtar

Boks

Gazeta Express

14/02/2024 16:00

Federata e Boksit të Kosovës do të nderojë për herë të 16-të rresht Ditën e Pavarësisë së Kosovës.

Shtëpia e boksit kosovar ka njoftuar se do ta organizojë turneun ndërkombëtar tradicional “Pavarësia 2024”, shkruan “Gazeta Express”.

Në këtë turne do të marrin pjesë shtetet e rajonit si Bullgaria, Maqedonia e Veriut, Shqipëria dhe nga nikoqiri Kosova.

Turneu do të mbahet më 17 shkurt nga ora 12:00 në Pallatin e Rinisë dhe të Sporteve në Prishtinë. /Gazeta Express/