Pas afrimit të sulmuesit Ebrima Gaye, FC Ballkani ka arritur marrëveshje edhe me mbrojtësin Arben Nikprelaj, i cili transferohet nga Deçiçi i Tuzit.
21-vjeçari, me një gjatësi prej 1.94 m, pritet të forcojë repartin defensiv të Ballkanit, duke sjellë siguri në ajër dhe forcë fizike në mbrojtje.
Klubi i ka uruar mirëseardhjen Nikprelajt dhe shumë suksese me fanellën portokalli, duke synuar të forcojë ekipin në të gjitha repartet për pjesën e mbetur të sezonit. /GazetaExpress