Ish-presidenti i Kosovës, Fatmir Sejdiu në 12 vjetorin e Pavarësisë së Kosovës, përmes një shkrimi të publikuar në faqen zyrtare ka thënë se kjo ditë shënon epokën e re të ecjes dhe zhvillit të saj, por edhe sfidave të shumta dhe jo të lehta.
Ndërsa, ka shtuar se është obligim i të gjithëve të gjallëve që të mos harrojmë ata që dhanë jetën dhe sakrifikuan për ne.
Ky është postimi i plotë:
Të dashur miq,
Sot u mbushën dymbëdhjetë vjet nga dita kur u shpall Pavarësia e Kosovës.
Ishte dhe mbeti kjo ditë e gëzimit për gjithë njerëzit që e dashtën dhe punuan për Lirinë e Kosovës dhe Pavarësinë e saj.
Kjo ditë shënon epokën e re të ecjes dhe zhvillimit të saj, por edhe sfidave të shumta dhe jo të lehta.
Paralelisht është obligim i gjithë neve të të gjallëve të mos harrojmë asnjëherë të gjithë ata që u shkrinë dhe sakrifikuan për të.
Zoti e bekoftë Republikën e Kosovës dhe njerëzit e mrekulluashëm të saj!