Fati i PD-së, Spahiu: Nëse në krye është Berisha, SHBA-të do të shkrijnë PD-në

Shqiperi

Gazeta Express

17/02/2023 21:39

Analisti Kreshnik Spahiu ka deklaruar mbrëmjen e sotme se SHBA-të kanë në plan që të shkrijnë Partinë Demokratike, nëse në krye të saj do të vazhdojë të jetë Sali Berisha.

Sipas Spahiut, SHBA-të nuk duan që në krye të PD-së të jetë një person i shpallur “non grata” prej tyre.

“Ata ndihen që janë në prag të asgjesimit, ka një qëndrim të drejtpërdrejt diplomatike dhe zyrtar të SHBA-ve, që kush shkojnë pas liderit Sali Berisha, njeriut të shpallur “non grata”, do të hajnë bar. Kjo është deklarata e ambasadores amerikane, Yuri Kim dhe të dërguarit të SHBA-ve në Ballkan, Escobar. Gjë që përkthehet, që nëse do vazhdohet me drejtimin e Sali Berishës, ose do shkrijmë Partinë Demokratike. Në pushtet nuk vini”, u shpreh ai në Euronews Albania.

3 marsi pritet ti japë fund sagës për drejtimin e Partisë Demokratike. Pothuaj një vit pasi Enkelejd Alibeaj kërkoi zhbërjen e vendimit të Zhukrit që riktheu Sali Berishën në selinë blu, gjykata e apelit dha sinjale se sherri i demokrateve për logon dhe vulën e partisë do zgjidhet në fiillim të muajt pasardhës./Gazeta Express